ધ્વનિપ્રદૂષણ સામે 20 વર્ષથી લડત ચલાવનારાં મહિલાની કહાણી

મહારાષ્ટ્રમાં ધ્વનિપ્રદૂષણનો મુદ્દો હાલમાં ચર્ચાનો વિષય બન્યો છે. ખાસ કરીને પુણેમાં સામાજિક કાર્યકર વિદ્યાનંદ બાપટે ગણેશોત્સવ દરમિયાન ડીજેના ઉપયોગ પર અવાજ ઉઠાવ્યો હતો અને વિવાદ ચાલી રહ્યો છે.

સુમૈરા છેલ્લા બે દાયકાથી આ મુદ્દા પર સક્રિય રીતે કામ કરી રહ્યાં છે.

તેઓ માત્ર અવાજનું માપન અને રેકૉર્ડિંગ જ કરતાં નથી, પરંતુ લોકો અને સરકારી અધિકારીઓને તેના પ્રભાવ વિશે માહિતગાર કરીને જાગૃતિ ફેલાવવાનું કામ પણ કરે છે.

તેમના જેવા કાર્યકરો અને જાગૃત નાગરિકોના સતત પ્રયાસોને કારણે મુંબઈમાં લાઉડસ્પીકર અને ડીજેના ઉપયોગ અંગેના નિયમોનું વધુ કડક અમલીકરણ થવા લાગ્યું છે.

જોકે, સુમૈરાનું માનવું છે કે ધ્વનિપ્રદૂષણની સમસ્યાનો આજ સુધી ઉકેલ આવ્યો નથી. પણ વિપરીત સ્થિતિ સર્જાઈ છે. અવાજનું પ્રદૂષણ સતત વધી રહ્યું છે, પરંતુ સાથે સાથે લોકોમાં તેના પ્રત્યે જાગૃતિ પણ વધી રહી છે.

છેલ્લાં 25 વર્ષમાં તેમણે ધ્વનિપ્રદૂષણ વિરુદ્ધની લડતમાં નોંધપાત્ર સફળતા મેળવી છે, જોકે આ દરમિયાન તેમને અનેક વખત મૌખિક હુમલા અને ટીકા-ટિપ્પણીઓનો પણ સામનો કરવો પડ્યો છે.

બીબીસી માટે કલેક્ટિવ ન્યૂઝરૂમનું પ્રકાશન