Source :- EVARTHA NEWS
(adsbygoogle = window.adsbygoogle || []).push({});
എസ്എഫ്ഐയുടെ സമരത്തിനെതിരെ രൂക്ഷ വിമർശനവുമായി സംസ്ഥാന ആഭ്യന്തര മന്ത്രി രമേശ് ചെന്നിത്തല. സർക്കാർ അധികാരത്തിലെത്തിയിട്ട് വെറും 100 ദിവസം മാത്രമാണ് പിന്നിട്ടതെന്നും ഇതിനിടയിൽ എന്ത് വലിയ സംഭവമാണ് ഉണ്ടായതെന്ന് വ്യക്തമല്ലെന്നും അദ്ദേഹം പറഞ്ഞു.
വിദ്യാർഥികളുടെ ഏത് ആവശ്യമാണ് സർക്കാർ ഹനിച്ചതെന്ന് വ്യക്തമാക്കണമെന്നും ചെന്നിത്തല ചോദിച്ചു. വിദ്യാർഥികളെ ഇളക്കിവിട്ട് അനാവശ്യമായി പ്രശ്നങ്ങൾ സൃഷ്ടിക്കുകയാണ് ചെയ്യുന്നതെന്നും അദ്ദേഹം ആരോപിച്ചു.
സർക്കാരിന് 100 ദിവസം മാത്രമാണ് പൂർത്തിയായതെന്നും കുറച്ചുകൂടി സമയം നൽകാൻ പ്രതിപക്ഷം തയ്യാറാകണമെന്നും ചെന്നിത്തല ആവശ്യപ്പെട്ടു. സ്വന്തം പാർട്ടിയിലെ അപചയങ്ങൾ മറച്ചുവെക്കാൻ വിദ്യാർഥികളെ കരുവാക്കരുതെന്നും അദ്ദേഹം സിപിഎം നേതൃത്വത്തോട് ആവശ്യപ്പെട്ടു.