Source :- ZEE NEWS
अमेरिकेतील एका महिलेने आठ मिनिटांसाठी मृत्यू झाल्यानंतर नेमका तिला काय अनुभव आला होता याबद्दल सांगितलं आहे. कोलोरॅडोमधील रहिवासी ब्रायना लाफर्टीने सांगितलं की, ती तिच्या निर्जीव शरीरावर ‘तरंगत’ राहिली आणि अशा जगात प्रवेश केला जिथे वेळच अस्तित्वात नव्हती. 33 वर्षीय या महिलेला मायोक्लोनस डायस्टोनिया हा एक जीवघेणा न्यूरोलॉजिकल डिसऑर्डर होता. तिच्या शऱिराने या आजारासमोर गुडघे टेकले होते.
ब्रायना लाफर्टीने सांगितलं की, तिला एक आवाज ऐकल्याचं आठवत आहे. हा आवाज तिला ती ती तयार आहे का? असं विचारत होती. पण नंतर अंधार झाला. डॉक्टरांनी तिला वैद्यकीयदृष्ट्या मृत घोषित केलं असलं तरी आपली जाणीव जिवंत होती असं तिने सांगितलं आहे.
“मृत्यू हा एक भ्रम आहे कारण आपला आत्मा कधीच मरत नाही. आपली चेतना जिवंत राहते. आणि आपले सार फक्त रूपांतरित होते. माझे विचार त्वरित मृत्यूनंतरच्या जीवनात साकार होतात. मला जाणवले की आपले विचार तिथे वास्तवाला आकार देतात, त्यासाठी फक्त वेळ लागतो, जो एक आशीर्वाद आहे,” असं लाफर्टी म्हणाली.
“मी अचानक माझ्या भौतिक शरीरापासून वेगळी झाली. मला माझे मानवी स्वरूप दिसत नव्हते किंवा आठवत नव्हते. मी पूर्णपणे स्थिर होते, तरीही मला पूर्णपणे जिवंत, जागरूक आणि पूर्वीपेक्षा जास्त स्वतःसारखे वाटत होते. कोणतेही दुःख नव्हते, फक्त शांतता आणि स्पष्टतेची खोल भावना होती,” असंही तिने सांगितलं.
आपले पृथ्वीवरील अस्तित्व हे अंतिम नाही याची जाणीव झाल्याचंही तिने सांगितलं. “आपल्यापेक्षाही वरती असणारी एक उपस्थिती किंवा बुद्धिमत्ता आपल्याला निरपेक्ष प्रेमाने मार्गदर्शन करते आणि देखरेख करते. तिथे सर्व काही एकाच वेळी घडते, जणू काही वेळ अस्तित्वात नाही, तरीही परिपूर्ण व्यवस्था होती,” असं ती म्हणाली.
मृत्यूनंतर नेमकं काय होतं?
मृत्यू जवळचे अनुभव (NDEs) गुंतागुंतीचे आणि स्पष्ट करणे कठीण आहेत, परंतु शास्त्रज्ञ त्यांना समजून घेण्याचा प्रयत्न करत आहेत. 2022 च्या एका अभ्यासात असा दावा करण्यात आला आहे की मानवी मेंदू जीवनातील महत्त्वाच्या घटनांची जलद पुनरावृत्ती करू शकतो कारण त्या मृत्यूच्या उंबरठ्यावर असतात. बरेच लोक या पुनरावृत्तीचे वर्णन त्यांच्या डोळ्यांसमोर ‘जीवन चमकणे’ असे करतात.
SOURCE : ZEE NEWS
