ଭଦ୍ରକ ବିଜୁ ଜନତା ଦଳ ପକ୍ଷରୁ ପବିତ୍ର ଉତ୍କଳ ଦିବସ ପାଳିତ

ଭଦ୍ରକ, ୧ା୪ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ବିଜୁ ଜନତା ଦଳ ତରଫରୁ ପବିତ୍ର ଉତ୍କଳ ଦିବସ ଜିଲ୍ଲା କାର୍ଯ୍ୟାଳୟ ଭଦ୍ରକ ଠାରେ ପାଳନ କରାଯାଇଛି । ଉକ୍ତ କାର୍ଯ୍ୟକ୍ରମ ରେ ପୂର୍ବତନ ମନ୍ତ୍ରୀ ପ୍ରଫୁଲ୍ଲ ସାମଲ, ବିଜୁ ଜନତା ଦଳର ପୂର୍ବତନ ଜିଲ୍ଲା ସଭାପତି ଜଗନ୍ନାଥ ସ୍ୱାଇଁ, ଭଦ୍ରକ ପୌରାଧ୍ୟକ୍ଷା ଗୁଲମକ୍କି ହବିବ, ଭଦ୍ରକ ଗ୍ରାମ ପଂଚାୟତ ର ସରପଂଚ ଓ ସମିତି ସଭ୍ୟ ବୃନ୍ଦ, ଭଦ୍ରକ ପୌରପାଳିକାର ପାରିଷଦ ଓ ପ୍ରତିନିଧି ବୃନ୍ଦ ଏବଂ ବିଜୁ ବରିଷ୍ଠ, ଯୁବ ଛାତ୍ର ମହିଳା ଜନତା ଦଳ ର ସମସ୍ତ ପଦାଧିକାରୀ ଓ କର୍ମକର୍ତା ଯୋଗଦେଇଥିଲେ । ବିଜୁ ଜନତା ଦଳ ର ସଭାପତି ନବୀନ ପଟ୍ଟନାୟକ ଙ୍କ ଆହ୍ୱାନ କ୍ରମେ ଭଦ୍ରକ ବିଜୁ ଜନତା ଦଳ ତରଫରୁ “ଉତ୍କଳ ଦିବସ” ପାଳନ ଅବସରରେ ସର୍ବ ପ୍ରଥମେ ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନ ପାଇଁ ନିଜର ଅସୀମ ତ୍ୟାଗ ତଥା ଆମ ଭାଷା, ସାହିତ୍ୟ ଓ ସଂସ୍କୃତିର ଗୌରବ ବୃଦ୍ଧି କରିଥିବା ମହାପୁରୁଷ ମାନଙ୍କୁ ବିନମ୍ର ଶ୍ରଦ୍ଧାଞ୍ଜଳି ଜଣାଇ ଭଦ୍ରକ ପୌରାଂଚଳ ରେ ଥିବା ଅନେକ ବରପୁତ୍ର ମାନଙ୍କ “ପ୍ରତିମୂର୍ତୀରେ ମାଲ୍ୟାର୍ପଣ” କରାଯାଇଅଛି । ଏହି ଅବସରରେ ପୂର୍ବତନ ମନ୍ତ୍ରୀ ପ୍ରଫୁଲ୍ଲ ସାମଲ ତାଙ୍କ ବକ୍ତବ୍ୟରେ କହିଥିଲେ ଆଜିର ଦିନରେ ଆସନ୍ତୁ ଏକ ସୁସ୍ଥ ଓ ବିକଶିତ ଓଡ଼ିଶା ଗଠନ କରିବାର ସଂକଳ୍ପକୁ ଆହୁରି ଦୃଢ଼ କରିବା। ଏହି ଦିବସଟି ପ୍ରତ୍ୟେକ ଓଡ଼ିଶା ବାସୀଙ୍କ ପାଇଁ ଗର୍ବ ଓ ଗୌରବର ଦିବସ ଅଟେ ଓ ଏହା ଆମ ସଭିଙ୍କ ପାଇଁ ଚିର ସ୍ମରଣୀୟ ମୂହୁର୍ତ ଅଟେ ବନ୍ଦେ ଉତ୍କଳ ଜନନୀ। ଉକ୍ତ କାର୍ଯ୍ୟକ୍ରମ ରେ ଉପସ୍ଥିତ ଥିଲେ ଭଦ୍ରକ ବିଜୁ ଜନତା ଦଳର ବରିଷ୍ଠ, ମହିଳା ଓ ଯୁବ ଛାତ୍ର ନେତୃତ୍ୱ।