Source :- ODIA PUA
ଭଦ୍ରକ, ୫ା୪ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଚାନ୍ଦା ନଦେଲେ ମାଡ଼ ଖାଉଛୁ ।ପ୍ରତିବାଦ କଲେ ମରାଣତ୍ମକ ଆକ୍ରମଣ ର ଶିକାର ହେବାକୁ ପଡୁଛି । ଥାନାକୁ ଗଲେ ପୁଲିସି ଏତଲା ଗ୍ରହଣ କରି ଚୁପ ବସୁଛି । ନିଜ ଜୀବନ ପ୍ରତି ବିପଦ ରହୁଥିବାର ଅଭିଯୋଗ କରି ଆଜି ଭଦ୍ରକ ଡ୍ରାଇଭର ମହାସଂଘ ର ବହୁ କର୍ମ କର୍ତା ଜିଲ୍ଲା ପ୍ରଶାସନ ନିକଟରେ ଅଭିଯୋଗ କରିଛନ୍ତି । ଓଡିଶା ଡ୍ରାଇଭର ମହାସଂଘ ଭଦ୍ରକ ଜିଲ୍ଲା ଶାଖା ର ଟ୍ରକ ଚାଳକ ମାନେ ପ୍ରଶାସନ ର ଡେପୁଟି କଲେକ୍ଟର ପ୍ରମିଳା ମଲିକ ଙ୍କୁ ଏକ ଲିଖିତ ଅଭିଯୋଗ ପତ୍ର ପ୍ରଦାନ କରିଛନ୍ତି । ଏମାନଙ୍କ ଅଭିଯୋଗ ହେଲା ବାସୁଦେବପୁର ରୁ ଧାମରା ଯାଉଥିବା ଭାରୀଯାନ ଗୁଡିକର ଡ୍ରାଇଭର ମାନଙ୍କୁ ରାସ୍ତାରେ ଜୋର ଜବରଦସ୍ତ ଅଟକାଇ ଚାନ୍ଦା ଆଦାୟ କରିବା ଏକ ଦୈନ୍ଦିନ ଘଟଣାରେ ପରିଣତ ହୋଇଗଲାଣି । ଏହାର ପ୍ରତିବାଦ କଲେ ଲୁଟ ଓ ମରାଣତ୍ମକ ଆକ୍ରମଣ ର ଶିକାର ହେବାକୁ ପଡୁଛି ।ଡ୍ରାଇଭର ମାନଙ୍କ ଜୀବନ ଏବେ ଅସୁରକ୍ଷିତ ହୋଇପଡିଛି । ବିଶେଷକରି ଦୁବୃତ ମାନେ ପୁଲିସର ଷ୍ଟପ ବୋର୍ଡ କୁ ରାସ୍ତାରେ ରଖି ଚାନ୍ଦା ଆଦାୟ କରୁଛନ୍ତି ।ଚାନ୍ଦା ଆଦାୟ ଓ ଡ୍ରାଇଭର ଙ୍କୁ ମାଡ଼ ମାରୁଥିବାର ପ୍ରମାଣ ସ୍ଥାନୀୟ ପୁଲିସି ପ୍ରଶାସନକୁ ଦିଆଯାଉଥିଲେ ମଧ୍ୟ କେବଳ ଏତଲା ଗ୍ରହଣ କରି ନୀରବତା ଅ୍ୱଲମ୍ବନ କରୁଛି । ଦୁବୃତ ମାନଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ । ଫଳରେ ସେମାନଙ୍କର ମନୋବଳ ଆହୁରି ବଢ଼ି ଯାଉଛି । ଫୋନ୍ କଲେ ମଧ୍ୟ ଫୋନ୍ କାଟି ଦେଉଛନ୍ତି । ଘଟଣାସ୍ଥଳ କୁ ଆସୁନାହାନ୍ତି କି ପଦକ୍ଷେପ ନେଉନାହାନ୍ତି । ସୂଚନା ଯୋଗ୍ୟ, ଚାନ୍ଦବାଲି, ଭଦ୍ରକ ସହରାଞ୍ଚଳ ଥାନା, କରଂଜମାଳ ଫାଣ୍ଡି, ଧାମରା ପୋର୍ଟ ଥାନା ଓ କସିଆ ମେରାଇନ ଥାନାରେ ସଂଘ ପକ୍ଷରୁ ଏତଲା ଦିଆଯାଇଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ । ଫଳରେ ଡ୍ରାଇଭର ମାନେ ନ୍ୟାୟ ପାଇବାରୁ ବଂଚିତ ହେଉଛନ୍ତି । ଏହି ଅଭିଯୋଗ କୁ ଗୁରୁତ୍ୱ ଦେଇ ଅସାମାଜିକ ବ୍ୟକ୍ତିଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରି ଡ୍ରାଇଭର ମାନଙ୍କ ଜୀବନକୁ ସୁରକ୍ଷିତ ରଖିବା ପାଁଇ ସଂଘ ପକ୍ଷ ରୁ ଜିଲ୍ଲା ପ୍ରଶାସନ ନିକଟରେ ନିବେଦନ କରାଯାଇଛି । ନଚେତ ଡ୍ରାଇଭର ମାନେ ବାଧ୍ୟ ହୋଇ ରାଜରାସ୍ତା କୁ ଓଲ୍ହାଇବାସହ ଜିଲାରେ ଭାରୀଯାନ ଚଳାଚଳ କୁ ସମ୍ପୂର୍ଣ ଠପ କରିଦିଆଯିବ ବୋଲି ସଂଘ ତରଫରୁ ଚେତାବନୀ ଦିଆଯାଇଛି । ଭଦ୍ରକ ଶାଖାର ସଭାପତି ଦିଲୀପ ସାହୁଙ୍କ ନେତୃତ୍ୱରେ ଉପସଭାପତି ଜୀବନଜ୍ୟୋତି ଚାନ୍ଦ, ସମ୍ପାଦକ ସୁଶାନ୍ତ ଜେନା, ସହ ସମ୍ପାଦକ ମନୋଜ ମହାପାତ୍ର ଙ୍କ ସହ ସାତଟି ବ୍ଲକର ସଭାପତି ଓ ସମ୍ପାଦକ ମାନେ ଦାବି ପ୍ରଦାନ ସମୟରେ ଉପସ୍ଥିତ ଥିଲେ ।
SOURCE: ODIA PUA
