திருப்பதி தரிசனம்; ஏப்ரல் மாதத்திற்கான டிக்கெட் முன்பதிவு எப்போது?

திருமலை திருப்பதி தேவஸ்தானம் இந்த ஆண்டு ஏப்ரல் மாதத்திற்கான ஸ்ரீவாரி ஆர்ஜித சேவை டிக்கெட்டுகள் மற்றும் தரிசன இடங்களுக்கான வெளியீட்டு அட்டவணையை அறிவித்துள்ளது. பல்வேறு தரிசனம், தங்குமிடத்திற்கான டிக்கெட்டுகள் ஆனலைனில் முன்பதிவு செய்ய வழிவகை செய்யப்பட்டுள்ளது. 

ஆர்ஜித சேவா டிக்கெட்டுகள்: சுப்ரபாதம், தோமாலா சேவா, அர்ச்சனா மற்றும் அஷ்டதள படபத்மராதனா ஆகியவற்றிற்கான டிக்கெட்டுகள் தேவஸ்தானத்தின் அதிகாரப்பூர்வ இணையதளத்தில் ஜனவரி 18 முதல் காலை 10 மணி முதல் கிடைக்கும்.

இந்த டிக்கெட்டுகளை ஜனவரி 20 ஆம் தேதி காலை 10 மணி வரை பக்தர்கள் ஆன்லைனில் பதிவு செய்யலாம். லக்கி டிப் சிஸ்டம் மூலம் ஒதுக்கீடு செய்யப்படும் தேர்ந்தெடுக்கப்பட்ட பக்தர்கள் ஜனவரி 22 மதியம் 12 மணிக்குள் தங்கள் டிக்கெட்டுகளை பதிவு செய்யலாம்.

கல்யாணோத்சவம், ஊஞ்சல் சேவை, ஆர்ஜித பிரம்மோற்சவம் மற்றும் சகஸ்ர தீபலங்கார சேவை போன்ற பிற சடங்குகளுக்கான டிக்கெட்டுகள் மற்றும் ஏப்ரல் 10 முதல் 12 வரை திட்டமிடப்பட்டுள்ள வசந்தோற்சவத்திற்கான டிக்கெட்டுகள் ஜனவரி 21 ஆம் தேதி காலை 10 மணிக்கு வெளியிடப்படும்.

மெய்நிகர் சேவா டிக்கெட்: ஏப்ரல் மாதத்திற்கான மெய்நிகர் சேவை மற்றும் தரிசன ஸ்லாட் டிக்கெட்டுகள் ஜனவரி 21 முதல் பிற்பகல் 3 மணி முதல் ஆன்லைனில் கிடைக்கும். ஸ்ரீவாணி அறக்கட்டளை ஒதுக்கீட்டின் கீழ் ஏப்ரல் மாதத்திற்கான ஸ்ரீவாணி டிரஸ்ட் டிக்கெட்டுகள் ஜனவரி 23 ஆம் தேதி காலை 11 மணிக்கு கிடைக்கும்.

மூத்த குடிமக்கள் மற்றும் மாற்றுத்திறனாளி பக்தர்களுக்கான தரிசன டோக்கன்கள் மூத்த குடிமக்கள், மாற்றுத்திறனாளிகள் மற்றும் நாள்பட்ட நோய்கள் உள்ளவர்களுக்கான சிறப்பு தரிசன டோக்கன்கள் ஜனவரி 23 ஆம் தேதி பிற்பகல் 3 மணிக்கு ஆன்லைனில் பதிவு செய்யலாம்.

ஏப்ரல் மாதத்திற்கான திருமலை மற்றும் திருப்பதியில் உள்ள அறைகளில் தங்கும் ஒதுக்கீடு ஜனவரி 24 மாலை 3 மணிக்கு ஆன்லைனில் கிடைக்கும்.

ஏப்ரல் மாதத்திற்கான பொது சேவை டிக்கெட் ஒதுக்கீடு ஜனவரி 27 ஆம் தேதி காலை 11 மணிக்கு வெளியிடப்படும். நவநீத சேவா டிக்கெட்டுகள் ஜனவரி 27 ஆம் தேதி மதியம் 12 மணிக்கு வெளியிடப்படும்.

அனைத்து முன்பதிவுகளுக்கும் திருப்பதி தேவஸ்தானத்தின் அதிகாரப்பூர்வ வலைத்தளத்தில் https://ttdevasthanams.ap.gov.in   பக்தர்கள் முன்பதிவு செய்யலாம்.