Source :- ANWESHANAM NEWS
കേരളത്തിലെ പൊന്നാനിയില്‍ ജനിച്ച് അമേരിക്കയില്‍ വളര്‍ന്ന റാപ്പറാണ് ഹനുമാന്‍കൈന്‍ഡ് എന്ന സ്റ്റേജ് നാമത്തില്‍ അറിയപ്പെടുന്ന സൂരജ് ചെറുകാട്. ബെംഗളുരു ആസ്ഥാനമായുള്ള ഈ റാപ്പറുടെ ട്രാക്കായ ബിഗ് ഡോഗ്സ് ഇന്റര്‍നെറ്റില്‍ സെന്‍സേഷനാണ്. മരണകിണറിന്റെ ചുവരില്‍ ചിത്രീകരിച്ച ബിഗ് ഡോഗ്സ് എന്ന ഗാനം യൂട്യൂബില്‍ 180 മില്യണിലധികം കാഴ്ചക്കാരുമായി അന്താരാഷ്ട്ര തലത്തില്‍ വരെ ശ്രദ്ധപിടിച്ച് പറ്റിയിട്ടുണ്ട്.
ഹനുമാന്‍കൈന്‍ഡ് ആദ്യമായി അഭിനയിക്കുന്ന സിനിമയാണ് റൈഫിള്‍ ക്ലബ്. ചിത്രത്തില്‍ സുരഭി ലക്ഷ്മിയും ഒരു പ്രധാനവേഷത്തില്‍ അഭിനയിക്കുന്നുണ്ട്. ഹനുമാന്‍ കൈന്‍ഡിനെ കുറിച്ച് സംസാരിക്കുകയാണ് സുരഭി. ഹനുമാന്‍കൈന്‍ഡിനെ ആദ്യം കണ്ടപ്പോള്‍ ഹനുമാന്‍ ഭക്തനായതുകൊണ്ടാണോ ഇങ്ങനെ ഒരു പേരിട്ടതെന്ന് താന്‍ ചോദിച്ചെന്ന് സുരഭി പറയുന്നു. സിനിമയുടെ സെറ്റിലെല്ലാം ഹനുമാന്‍കൈന്‍ഡ് ഭയങ്കര ഇംഗ്ലീഷ് ആയിരുന്നെന്നും താന്‍ സംസാരിച്ച് തുടങ്ങിയപ്പോള്‍ കൊണ്ടോട്ടിക്കാരന്‍ സൂരജ് ആണെന്ന് ഹനുമാന്‍കൈന്‍ഡ് പറഞ്ഞെന്നും സുരഭി കൂട്ടിച്ചേര്‍ത്തു.
അദ്ദേഹം ഒരു പളുങ്ക് മനസിന് ഉടമയാണെന്നും ഹനുമാന്‍കൈന്‍ഡ് ടീ ഷര്‍ട്ട് ഊരിയപ്പോള്‍ ശരീരത്തിലെ പച്ചകണ്ട് അദ്ദേഹം ഒരു പച്ചമനുഷ്യനാണെന്ന് മനസിലായെന്നും സുരഭി തമാശ രൂപേണ പറഞ്ഞു. റൈഫിള്‍ ക്ലബ്ബിന്റെ പ്രൊമോഷനില്‍ സംസാരിക്കുകയായിരുന്നു സുരഭി ലക്ഷ്മി.
ശ്യാം പുഷ്‌കരന്‍ , ദിലീഷ് കരുണാകരന്‍, സുഹാസ് എന്നിവരുടെ തിരക്കഥയില്‍ ആഷിഖ് അബു സംവിധാനം ചെയ്യുന്ന ചിത്രമാണ് റൈഫിള്‍ ക്ലബ്. വിജയരാഘവന്‍, ദിലീഷ് പോത്തന്‍, അനുരാഗ് കശ്യപ്, വാണി വിശ്വനാഥ്, ഹനുമാന്‍കൈന്‍ഡ്, സുരഭി ലക്ഷ്മി തുടങ്ങിയ വലിയ താരനിരതന്നെ ചിത്രത്തിനായി ഒന്നിക്കുന്നുണ്ട്.
https://www.facebook.com/share/v/1Dr5eGkoxm/?mibextid=xfxF2i
