Source :- EVARTHA NEWS
(adsbygoogle = window.adsbygoogle || []).push({});
സഹപൈലറ്റിന്റെ ആക്രമണത്തെ ധീരമായി ചെറുത്ത് 174 യാത്രക്കാരുടെ ജീവൻ രക്ഷിച്ച ഇന്ത്യൻ പൈലറ്റ് ക്യാപ്റ്റൻ സ്മിത്ത് മച്ചാറിന് യുഎഇയുടെ ഉന്നത ബഹുമതി. സ്മിത്ത് മച്ചാർ ഉൾപ്പെടെയുള്ള ഫ്ലൈദുബായ് ജീവനക്കാർക്കാണ് യുഎഇ പ്രസിഡന്റ് ബഹുമതി സമ്മാനിച്ചത്. ഫസ്റ്റ് ക്ലാസ് ഓർഡർ ഓഫ് ഷെയ്ഖ് സായിദ് പുരസ്‌കാരമാണ് ഇവർക്ക് ലഭിച്ചത്.
സെപ്റ്റംബർ 30ന് ദുബായിൽനിന്ന് ഇസ്രായേലിലെ ടെൽ അവീവിലേക്ക് പുറപ്പെട്ട ഫ്ലൈദുബായ് വിമാനം FZ1073-ലായിരുന്നു നാടകീയ സംഭവങ്ങൾ അരങ്ങേറിയത്. സഹപൈലറ്റായ ഒമാൻ സ്വദേശി ഹമാം അൽ ഹമ്മാമി ക്യാപ്റ്റൻ സ്മിത്ത് മച്ചാറിനെ ആക്രമിക്കുകയായിരുന്നു. പൈലറ്റിനെ ആക്രമിച്ച് വിമാനം തകർക്കുകയായിരുന്നു ഇയാളുടെ ലക്ഷ്യമെന്നാണ് റിപ്പോർട്ട്.
ആക്രമണത്തെ ധീരമായി ചെറുത്തുനിന്ന സ്മിത്ത് മച്ചാർ വലിയൊരു ദുരന്തമാണ് ഒഴിവാക്കിയത്. കോക്ക്പിറ്റിന്റെ വാതിൽ തുറന്നതോടെ യാത്രക്കാർ ഇടപെട്ട് സഹപൈലറ്റിനെ കീഴ്പ്പെടുത്തി. തുടർന്ന് വിമാനം സൗദി അറേബ്യയിലെ തബൂക്ക് വിമാനത്താവളത്തിൽ സുരക്ഷിതമായി ഇറക്കി.
174 യാത്രക്കാരുടെ ജീവൻ രക്ഷിക്കുന്നതിൽ നിർണായക പങ്കുവഹിച്ച സ്മിത്ത് മച്ചാറിന്റെ ധീരതയ്ക്കുള്ള അംഗീകാരമായാണ് യുഎഇയുടെ ഉന്നത ബഹുമതി ലഭിച്ചിരിക്കുന്നത്.