Source :- EVARTHA NEWS
(adsbygoogle = window.adsbygoogle || []).push({});
ഗിന്നസ് വേൾഡ് റെക്കോർഡ് നേടുക എന്നത് പലരുടെയും സ്വപ്നസാഷാത്കാരമാണ്.
അതിന് വേണ്ടി ആളുകൾ തികച്ചും വ്യത്യസ്തമായ പല കാര്യങ്ങളും ചെയ്യാറുണ്ട്. വ്യത്യസ്തമായ അനേകം കാര്യങ്ങൾ ഗിന്നസ് വേൾഡ് റെക്കോർഡിന്റെ കാര്യത്തിൽ നമുക്ക് കാണാം.
അതുപോലെ ഒരു കാര്യം ചെയ്തതിനാണ് തെലങ്കാനയിൽ നിന്നുള്ള ഈ യുവാവും ഗിന്നസ് വേൾഡ് റെക്കോർഡ് നേടിയിരിക്കുന്നത്.ഒരു മിനിറ്റിനുള്ളിൽ 57 വൈദ്യുത ഫാനുകൾ തന്റെ നാവുകൊണ്ട് നിർത്തിയതിനാണ് തെലങ്കാനയിലെ സൂര്യപേട്ട സ്വദേശിയായ ക്രാന്തി കുമാർ പണികേര ഗിന്നസ് വേൾഡ് റെക്കോർഡ് സ്വന്തമാക്കിയിരിക്കുന്നത്.
ഗിന്നസ് വേൾഡ് റെക്കോർഡ് പങ്കിട്ടിരിക്കുന്ന വീഡിയോയിൽ ക്രാന്തി കുമാർ അതിവേഗത്തിൽ ഓരോ ഫാനിന്റെ അടുത്തെത്തുന്നതും തന്റെ നാവ് കൊണ്ട് ഫാനിൽ തൊടുന്നതും ഫാനിന്റെ പ്രവർത്തനം നിലയ്ക്കുന്നതും കാണാം. 18 മില്ല്യൺ പേരാണ് വീഡിയോ എക്സിൽ കണ്ടിരിക്കുന്നത്.
