Coimbatore, Madurai, Trichy LIVE News: “மதுரை – தூத்துக்குடி ரயில் திட்டத்தை கைவிடுமாறு கூறவில்லை”: சிவசங்கர் விளக்கம்

பொங்கல் பண்டிகையை முன்னிட்டு மதுரை, உசிலம்பட்டியில் கரும்பு அறுவடை பணிகள் தீவிரமாக நடைபெற்று வருகிறது.

மதுரையில் 10 வயது சிறுமிக்கு பாலியல் தொந்தரவு கொடுத்த வழக்கில் கைது செய்யப்பட்ட சிறப்பு சார்பு ஆய்வாளர் சிறையில் அடைக்கப்பட்டுள்ளார். திருப்பரங்குன்றம் கார்த்திகை திருவிழாவிற்கு பாதுகாப்பு பணிக்கு சென்றிருந்த இடத்தில் பாலியல் தொந்தரவு அளித்ததாக புகார் எழுந்துள்ளது.

5ம் தேதி நடைபெற உள்ள ஈரோடு கிழக்கு இடைத்தேர்தலை புறக்கணிப்பதாக அதிமுக பொதுச்செயலாளர் எடப்பாடி பழனிசாமி அறிவித்துள்ளார். விக்கிரவாண்டி இடைத்தேர்தலை புறக்கணித்த நிலையில், தற்போது ஈரோடு கிழக்கு தொகுதி இடைத்தேர்தலையும் புறக்கணித்தது அதிமுக

பெரியதளை முதல் திசையன்விளை வரை சாலையை அகலப்படுத்தி முறையாக அமைக்கக் கோரி வழக்கு தொடரப்பட்டுள்ளது. நெடுஞ்சாலைத்துறை மண்டலப் பொறியாளர், உதவி மண்டல பொறியாளர் பரிசீலித்து உரிய நடவடிக்கை எடுக்க ஆணை பிறப்பிக்கப்பட்டுள்ளது. தூத்துக்குடியைச் சேர்ந்த இசக்கிமுத்து என்பவர் உயர்நீதிமன்ற மதுரை கிளையில் பொதுநல வழக்கு தொடர்ந்துள்ளார்.

கடல் நடுவே அமைந்துள்ள கண்ணாடி பாலத்தில் சுற்றுலா பயணிகள் செல்ல தடை விதிக்கப்பட்டுள்ளது. பராமரிப்பு பணி நடைபெறுதால் மறு அறிவிப்பு வரும் வரை கண்ணாடி பாலத்தில் செல்ல தடை விதிக்கப்பட்டுள்ளது.

கோவை இருகூர் – கர்நாடகாவின் தேவாங்கோதி இடையே பைப் லைன் திட்டத்துக்கு தடை கோரிய மனு தள்ளுபடி செய்யப்பட்டுள்ளது. பாரத் பெட்ரோலியம் நிறுவனம் மேற்கொள்ளும் பைப் லைன் திட்டத்துக்கு தடை கோரி கோவை இருகூரைச் சேர்ந்த விவசாயி கணேசன் தொடர்ந்த வழக்கை உயர்நீதிமன்றம் தள்ளுபடி செய்தது. பைப் லைன் திட்டத்துக்கு கையகப்படுத்திய நிலத்துக்கு உரிய இழப்பீடு வழங்கவில்லை என மனுவில் புகார் தெரிவிக்கப்பட்டிருந்தது. .

உளுந்தூர்பேட்டை அருகே தேசிய நெடுஞ்சாலையில் மூலசமுத்திரம் ரவுண்டானா பகுதியில் கார் மோதி இருசக்கர வாகனத்தில் சென்றவர் உயிரிழந்த சம்பவம்  பெரும்  பரபரப்பை ஏற்படுத்தியது. பின்னால், வந்த மற்றொரு காரும் விபத்துக்குள்ளான கார் மீது மோதியுள்ளது. இது தொடர்பாக போலீசார் விசாரணை மேற்கொண்டு  வருகிறார்கள்.  

திருவள்ளூர்: பழவேற்காடு முகத்துவாரப் பகுதியில் நேற்று படகு கவிழ்ந்த விபத்தில் மாயமான மீனவர் செல்வம் உடல் இன்று கரை ஒதுங்கியது, 

நேற்று நடந்த விபத்தில் படகில் இருந்த 5 பேரில் மூவர் நீச்சல் அடித்து உயிர் தப்பிய நிலையில், மோகன் என்ற மீனவர் உயிரிழக்க, செல்வம் என்பவர் மாயமானார், 

மதுரை: அலங்காநல்லூர் ஜல்லிக்கட்டு பணிகளுக்கான ஏற்பாடுகள் தீவிரமாக நடைபெற்று வருகிறது. 

#Photos | மதுரை: அலங்காநல்லூர் ஜல்லிக்கட்டு பணிகளுக்கான ஏற்பாடுகள் தீவிரம்#SunNews | #Jallikattu2025 | #Alanganallur pic.twitter.com/BH6y8Vqhq9

— Sun News (@sunnewstamil) January 11, 2025

கும்பகோணம் கோயில் குளங்கள், கால்வாய்களில் உள்ள ஆக்கிரமிப்புகளை அகற்ற பிறப்பித்த உத்தரவை அமல்படுத்த ஒத்துழைக்காததால் மாநகராட்சி ஆணையர் மீது ஒழுங்கு நடவடிக்கை எடுக்க அரசுக்கு உயர் நீதிமன்றம் உத்தரவிட்டுள்ளது. 

பொங்கல் பண்டிகை மற்றும் தொடர் விடுமுறையை முன்னிட்டு தென் மாவட்டங்களுக்கு படையெடுக்கும் வாகனங்களால் உளுந்தூர்பேட்டை சுங்கச்சாவடியில் போக்குவரத்து நெரிசல் ஏற்பட்டுள்ளது. 

திண்டுக்கல் மாவட்டம் கொடைக்கானலில் பொங்கல் விடுமுறையால் குவிந்த சுற்றுலாப்பயணிகளை வெகுவாக ஈர்க்கும் லேசர் லைட் ஷோ நடைபெற்றது.

விருதுநகர் மாவட்டம் விஜயகரிசல்குளத்தில் நடக்கும் 3-ம் கட்ட ஆகழ்வாய்வில் வளையல்கள் கண்டெடுக்கப்பட்டுள்ளன. சங்கு வளையல்கள், பெரிய கண்ணாடி மணி உள்ளிட்டவையும் கண்டெடுக்கப்பட்டுள்ளன.