Source :- EVARTHA NEWS
(adsbygoogle = window.adsbygoogle || []).push({});
കർണാടക മുഖ്യമന്ത്രി ഡി.കെ. ശിവകുമാർ ഒരു പൊതുവേദിയിൽ വെച്ച് ആപ്പിൾ കടിച്ച് ജനക്കൂട്ടത്തിലേക്ക് എറിഞ്ഞ വീഡിയോ സോഷ്യൽ മീഡിയയിൽ വലിയ ചർച്ചയാകുന്നു. കനകപുരയിലെ ഹൊറഹള്ളി സന്ദർശനത്തിനിടെയുണ്ടായ ഈ സംഭവം ഇതിനകം തന്നെ വൈറലായി കഴിഞ്ഞു.
തനിക്ക് ലഭിച്ച വമ്പൻ സ്വീകരണത്തിനിടെ, അനുയായികൾ സമ്മാനിച്ച ആപ്പിളും പൂക്കളും കൊണ്ടുള്ള “ഗജമാലയിൽ” നിന്നാണ് അദ്ദേഹം ഒരു ആപ്പിൾ അടർത്തിയെടുത്തത്. തുടർന്ന് ആ ആപ്പിളിൽ ഒരു കടി കഴിച്ച്, ആർപ്പുവിളിക്കുന്ന ജനക്കൂട്ടത്തിന് നേരെ അദ്ദേഹം അത് എറിയുകയായിരുന്നു.
ഈ ദൃശ്യങ്ങൾ സോഷ്യൽ മീഡിയയിൽ സമ്മിശ്ര പ്രതികരണങ്ങൾക്കാണ് വഴിവെച്ചിരിക്കുന്നത്. ഒരു വിഭാഗം ഇതിനെ അദ്ദേഹത്തിന്റെ ജനകീയതയായി കാണുമ്പോൾ, മറുവിഭാഗം ഇത്തരം പ്രവൃത്തികളെ വിമർശനത്തോടെയാണ് നോക്കിക്കാണുന്നത്.
