बिहारमध्ये लखीसरायच्या अशोकधाम मंदिरात चेंगराचेंगरी, 7 जणांचा मृत्यू

अपडेटेड 1 तासापूर्वी

बिहारमधील लखीसरायच्या अशोकधाम मंदिरात झालेल्या चेंगराचेंगरीत सात जणांचा मृत्यू झाल्याचं वृत्त आहे.

लखीसरायचे उपविभागीय पोलीस अधिकारी (एसडीपीओ) शिवम कुमार यांनी बीबीसीला फोनवरून सांगितलं की, ही घटना सोमवारी सकाळी अशोकधाम मंदिरात घडली.

शिवम कुमार यांनी सांगितलं की, या अपघातात आतापर्यंत सात जणांचा मृत्यू झाला आहे. पाच – सहा जण जखमी झाले असून त्यांना सदर रुग्णालयात दाखल करण्यात आलं आहे.

लखीसरायचे जिल्हाधिकारी शैलेंद्र कुमार यांनी जखमींची विचारपूस करण्यासाठी सदर रुग्णालयाला भेट दिली आणि तिथे पत्रकारांना घटनेविषयी माहिती दिली.

मृत्यू पावलेल्या सातही व्यक्ती महिला होत्या, असं त्यांनी सांगितलं.