चुरपे : लडाखमध्ये कसं बनवलं जातं जगातलं सर्वोत्तम चीज? – ग्राऊंड रिपोर्ट

चीज म्हटल्यावर डोळ्यांसमोर काय येतं?

क्यूब्स, स्लाईस, छान त्रिकोणी कापलेला पिवळसर, भला मोठा तुकडा, पिझ्झावरचं वितळलेलं चीज…

साधारणपणे या गोष्टी आपल्याला आठवतात.

पण या सगळ्यांच्याही पलिकडे एका प्रदेशात फार पूर्वीपासून एक स्थानिक चीज आहाराचा – स्वयंपाकाचा भाग आहे.

हे आहे लडाखचं याक चुरपे. या चीजला काही महिन्यांपूर्वी ब्राझीलमधल्या आंतरराष्ट्रीय स्पर्धेत गोल्ड मेडल मिळालंय.

यापूर्वी कधीही न ऐकलेलं – पाहिलेलं चीज काय आहे, कसं तयार केलं जातं याचा शोध आम्ही लडाखवारीदरम्यान घेतला.

ब्राझीलमध्ये झालेल्या Mundial do Queijo do Brasil 2026 स्पर्धेत लडाखच्या याक चुरपे चीजला गोल्ड मेडल मिळालं आणि हे चीज चर्चेत आलं.

पंतप्रधान नरेंद्र मोदींनी याबद्दल सोशल मीडियावरून कौतुक तर केलंच पण ‘मन की बात’मध्येही याचा उल्लेख केला.

आंतरराष्ट्रीय गोल्ड मेडल जिंकणारं हे चीज तयार केलं थिन्ले नुरबू यांनी. लडाखी भटक्या समुदायातल्या कुटुंबात जन्मलेल्या थिन्लेचा याक पालनाचा व्यवसाय आहे.

(बीबीसीसाठी कलेक्टिव्ह न्यूजरूमचे प्रकाशन)