Source :- EVARTHA NEWS
(adsbygoogle = window.adsbygoogle || []).push({});
ഹൈലോ ഓപ്പൺ 2026ലെ കിരീടനേട്ടത്തിന് പിന്നാലെ ബി.ഡബ്ല്യു.എഫ് ലോക റാങ്കിങ്ങിൽ രണ്ട് സ്ഥാനങ്ങൾ മെച്ചപ്പെടുത്തി ഇന്ത്യൻ താരം പി.വി. സിന്ധു ആറാമതെത്തി. ഫൈനലിൽ ഡെൻമാർക്കിന്റെ ലൈൻ ഹോജ്മാർക്ക് ക്ജേർസ്ഫെൽഡിനെ 21-12, 21-14ന് തോൽപ്പിച്ചാണ് സിന്ധു ഈ സീസണിലെ രണ്ടാം കിരീടം സ്വന്തമാക്കിയത്. നേരത്തെ ജപ്പാൻ ഓപ്പണിലും താരം ജേതാവായിരുന്നു.
ഹൈലോ ഓപ്പണിലെ സൂപ്പർ 500 കിരീടത്തിലൂടെ 9,200 പോയിന്റുകൾ കൂടി നേടിയ സിന്ധു കഴിഞ്ഞ ആഴ്ച എട്ടാം സ്ഥാനത്തെത്തിയിരുന്നു. 2022 ഒക്ടോബറിലാണ് അവസാനമായി താരം ആദ്യ അഞ്ചിൽ ഇടംപിടിച്ചത്. വനിതാ സിംഗിൾസിൽ തൻവി ശർമ 21-ാം സ്ഥാനത്തേക്കും ഉന്നതി ഹൂഡ 23-ാം സ്ഥാനത്തേക്കും മാറി. പുരുഷ സിംഗിൾസിൽ ഹൈലോ ഓപ്പൺ ജേതാവ് ലക്ഷ്യ സെൻ ഒരു സ്ഥാനം മെച്ചപ്പെടുത്തി 13-ാമതെത്തി.