Source :- ZEE NEWS
Iran Israel Conflict: इस्रायल आणि इराण एकमेकांवर हल्ला करत असताना इराणचे सर्वोच्च नेते अयातुल्ला अली खामेनी यांनी मोठा इशारा दिला आहे. खामेनी यांनी एक्सवर पोस्ट करत म्हटलं आहे की, “महान हैदरच्या नावाने, लढाई सुरू झालं आहे”. हैदर हे नाव बहुतेकदा अली यांच्यासाठी वापरले जाते, ज्यांना शिया मुस्लिम पहिले इमाम आणि पैगंबर मोहम्मद यांचे उत्तराधिकारी मानतात. “आपण दहशतवादी झिओनिस्ट राजवटीला कडक प्रत्युत्तर दिलं पाहिजे. आम्ही झिओनिस्टांना दया दाखवणार नाही,” असं त्यांनी दुसऱ्या पोस्टमध्ये म्हटलं आहे.
We must give a strong response to the terrorist Zionist regime.
We will show the Zionists no mercy.— Khamenei.ir (@khamenei_ir) June 17, 2025
खामेनी नेमके कुठे लपले आहेत याची आम्हाला माहिती – डोनाल्ड ट्रम्प
अमेरिकेचे राष्ट्राध्यक्ष डोनाल्ड ट्रम्प यांनी इस्रायल-इराण संघर्षादरम्यान इराणचे सर्वोच्च नेते अयातुल्ला अली खामेनी कुठे लपले आहेत हे अमेरिकेला माहिती आहे पण त्यांना सध्या तरी ठार करायचं नाही असं म्हटलं आहे. मागील पाच दिवसांपासून संघर्ष सुरु असताना ट्रम्प यांनी सोशल मीडिया पोस्टमध्ये इराणच्या “बिनशर्त आत्मसमर्पणा”चा आग्रह धरला.
“We know exactly where the so-called “Supreme Leader” is hiding. He is an easy target, but is safe there – We are not going to take him out (kill!), at least not for now. But we don’t want missiles shot at civilians, or American soldiers. Our patience is wearing thin. Thank you… pic.twitter.com/wJBGL4945W
— Press Trust of India (@PTI_News) June 17, 2025
“आम्हाला माहित आहे की तथाकथित ‘सर्वोच्च नेते’ कुठे लपले आहेत,” असं ट्रम्प पुढे म्हणाले. “ते एक सोपं लक्ष्य आहेत, परंतु तिथे सुरक्षित आहे. आम्ही सध्या तरी त्यांना बाहेर काढणार नाही (मारणार नाही!), किमान सध्या तरी नाही. परंतु आम्हाला नागरिकांवर किंवा अमेरिकन सैनिकांवर क्षेपणास्त्रांचा मारा नको आहे. आमचा संयम संपत चालला आहे,” असं डोनाल्ड ट्रम्प म्हणाले आहेत.
गाझा पट्ट्यात हल्ला
इराण आणि इस्त्रायलमध्ये सध्या संघर्ष पेटला आहे. यादरम्यान इस्त्रायलने गाझा पट्ट्यात मदतीसाठी पोहोचलेल्या ट्रकबाहेर जमलेल्या गर्दीवर टँकने हल्ला केला आहे. या हल्ल्यात 59 लोक ठार झाले आहेत अशी माहिती डॉक्टरांनी दिली आहे. हल्ला झाला तेव्हा भुकेने व्याकूळ लोकांनी तिथे गर्दी केली होती. आतापर्यंतच्या संघर्षातील हा सर्वात रक्तरंजित हल्ला म्हणून पाहिलं जात आहे.
या हल्ल्यानंतरचा व्हिडीओ समोर आला असून, व्हिडिओमध्ये दक्षिण गाझा पट्टीतील खान युनूस येथील एका रस्त्यावर सुमारे डझनभर मृतदेह पडलेले दिसत आहेत. ऑक्टोबर 2023 पासून गाझामध्ये हमासच्या नेतृत्वाखालील पॅलेस्टिनी दहशतवाद्यांशी युद्ध सुरू असलेल्या इस्रायली सैन्याने या भागात गोळीबार झाल्याची कबुली दिली आणि ते या घटनेची चौकशी करत असल्याचे सांगितले.
या हल्ल्यात किमान 59 जणांचा मृत्यू झाला असून 221 जण जखमी झाले, त्यापैकी किमान 20 जणांची प्रकृती गंभीर आहे, असं पॅलेस्टिनी डॉक्टरांनी सांगितलं. जखमींना कार, रिक्षा आणि गाढवांच्या गाड्यांमधून रुग्णालयात नेण्यात येत होतं. मे महिन्यात गाझामध्ये मदत पुन्हा सुरू झाल्यापासून एकाच दिवसात झालेला हा सर्वात मोठा मृतांचा आकडा होता.
SOURCE : ZEE NEWS
