Tamil News Today Live: சென்னை திரும்பும் மக்கள்: பெருங்களத்தூரில் கடும் போக்குவரத்து நெரிசல்

நடிகர் சைஃப் அலிகான் மீதான தாக்குதல் தொடர்பாக மும்பை போலீசார் 20 குழுக்களை அமைத்து குற்றவாளிகளை தீவிரமாக தேடி வருகின்றனர்.  ஏற்கனவே 10 குழுக்கள் அமைக்கப்பட்ட நிலையில் தற்போது 20 குழுக்களாக அதிகரிக்கப்பட்டுள்ளது.

பொங்கல் விடுமுறை முடிந்து மக்கள் சென்னையை நோக்கி வந்துகொண்டிருக்கும் நிலையில், அதிகப்படியான வாகனங்கள் வருகை காரணமாக பெருங்களத்தூரில் கடும் போக்குவரத்து நெரிசல் ஏற்பட்டுள்ளது.

அலங்காநல்லூர் ஜல்லிக்கட்டு போட்டியின்போது மாடு முட்டி முதியவர் மரணமடைந்தார். கழுத்தில் மாடு குத்தியதில் படுகாயமடைந்த முதியவர் சிகிச்சைக்காக மருத்துவமனையில் அனுமதிக்கப்பட்ட நிலையில், சிகிச்சை பலனின்றி பரிதாபமாக மரணமடைந்தார்.

சத்தீஸ்கர், மாநிலம் தெற்கு பஸ்தர் பகுதியில் பாதுகாப்பு படையினருக்கும் நக்சலைட்டுகளுக்கும் இடையே நடைபெற்ற கடும் துப்பாக்கிச்சண்டையில், 12 நக்சலைட்டுகளை பாதுகாப்பு படையினர் சுட்டுக்கொன்றனர்

உலகப் புகழ்பெற்ற அலங்காநல்லூர் ஜல்லிக்கட்டு போட்டியில் 20 காளைகளைப் பிடித்த பூவந்தியைச் சேர்ந்த அபி சித்தருக்கு சிறந்த மாடுபிடி வீரராக வெற்றி பெற்றார். அவருக்கு கார் பரிசாக வழங்கப்படுகிறது.

காணும் பொங்கலில் மெரினாவில் பல ஆயிரக் கணக்கான மக்கள் குவிந்தனர். இதனால், குடும்பத்துடன் மெரினா வந்த 5 குழந்தைகள் காணாமல் போனார்கள். போலீசாரிடம் புகார் தெரிவிக்கப்பட்டதை அடுத்து, மெரினாவில் காணாமல் போன 5 குழந்தைகளையும் மீட்ட போலீசார் அவர்களை குடும்பத்தினரிடம் ஒப்படைத்தனர். மேலும், 1 முதியவரும் மீட்கப்பட்டு குடும்பத்தினரிடம் ஒப்படைத்தனர்.

சிவகங்கை மாவட்டம், சிராவயலில் நடைபெற்ற மஞ்சுவிரட்டில் மாடு முட்டி சுப்பையா என்பவர் படுகாயமடைந்தார். சிகிச்சைக்காக மருத்துவமனையில் அனுமதிக்கப்பட்ட நிலையில் அவர் சிகிச்சை பலனின்றி உயிரிழந்தார்.

முல்லை பெரியாறு அணை பாதுகாப்பு விவகாரம் தொடர்பாக 7 பேர் கொண்ட கண்காணிப்பு குழு அமைத்து மத்திய அரசு உத்தரவிட்டுள்ளது.  உச்ச நீதிமன்ற உத்தரவுப்படி மத்திய அரசு இந்த குழுவை அமைத்துள்ளது.

சென்னை மெரினா கடற்கரையில் காணும் பொங்கலை ஒட்டி பொதுமக்கள் கூட்டம் அலைமோதும் என்பதால் காவல்துறை சார்பில் முன்னெச்சரிக்கை ஏற்பாடுகள் தீவிரமாக மேற்கொள்ளப்பட்டுள்ளது. 

7வது ஊதியக் குழு முடிவதற்கு ஓராண்டுக்கு முன், 2026ல் 8வது ஊதியக் குழுவை அமைக்க அரசு முடிவு செய்துள்ளது. வியாழக்கிழமை காலை பிரதமர் நரேந்திர மோடி தலைமையில் நடைபெற்ற மத்திய அமைச்சரவைக் கூட்டத்தில், இந்த முடிவு எடுக்கப்பட்டதாக மத்திய அமைச்சர் அஸ்வினி வைஷ்ணவ் அறிவித்தார்.

தொடர் விடுமுறையை ஒட்டி பயணிகளின் கூட்ட நெரிசலை தவிர்க்க ஜனவரி 18 ஆம் தேதி சென்னை – மதுரை இடையே சிறப்பு ரயில் இயக்கப்படுவதாக தெற்கு ரயில்வே அறிவித்துள்ளது

பாலிவுட் நடிகர் சைஃப் அலிகானை கத்தியால் குத்தியவர் யார் என்பது அடையாளம் காணப்பட்டுள்ளதாக போலீசார் தெரிவித்துள்ளனர். கத்தியால் குத்தியவரை கைது செய்ய, 10 குழுக்கள் அமைக்கப்படுள்ளதாக மும்பை காவல்துறை அறிவித்துள்ளது

இந்திய நகரங்களில் மேற்கொள்ளப்பட்ட காற்று தரக்குறியீடு ஆய்வில், மாசுபடாத காற்றை கொண்ட நகரமாக திருநெல்வேலி முதலிடம் பெற்றுள்ளது

நடிகர் சைஃப் அலிகான் மீதான கத்திக்குத்து சம்பவம் அதிர்ச்சியளிக்கிறது. பிரபலங்களுக்கே அரசால் பாதுகாப்பு வழங்க முடியவில்லை என்றால் மக்களுக்கு எப்படி பாதுகாப்பு வழங்கும்?  என அரவிந்த் கெஜ்ரிவால் கேள்வி எழுப்பியுள்ளார்

முல்லை பெரியாறு அணை பாதுகாப்பு விவகாரம் தொடர்பாக 7 பேர் கொண்ட கண்காணிப்பு குழு அமைத்து மத்திய அரசு உத்தரவு.

மதுரையில் அலங்காநல்லூர் ஜல்லிக்கட்டு போட்டி காலை முதல் விறுவிறுப்பாக நடைபெற்று வருகிறது. ஜல்லிக்கட்டு போட்டியில்  வெற்றி பெரும் காலை மற்றும் காளையர்களுக்கு பரிசுகள் குவித்து வைக்கப்பட்டுள்ளன. 

திண்டுக்கல்: பழனி அருகே உள்ள நெய்க்காரப்பட்டியில் நடைபெற்று வரும்  ஜல்லிக்கட்டு போட்டியை ஆஸ்திரேலியாவை சேர்ந்தவர்கள் உற்சாகமாக கண்டுகளித்தனர். 

காணும் பொங்கலை முன்னிட்டு மக்கள் கூட்டம் குவியும் என்பதால் சென்னை மெரினா கடற்கரையில் போலீஸ் பாதுகாப்பு போடப்பட்டுள்ளது. அதோடு கடலில் குளிக்க தடையும் விதிக்கப்பட்டுள்ளது. 

சென்னை மற்றும் புறநகர் பகுதிகளில் இன்று (16-01-2025) வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் லேசான மழை பெய்ய வாய்ப்புள்ளது. தமிழகத்தில் வரும் 19ஆம் தேதி 9 மாவட்டங்களில் கனமழை பெய்ய வாய்ப்பு உள்ளதாக வானிலை மையம் தெரிவித்துள்ளது.

காணும் பொங்கலை ஒட்டி பொதுமக்கள் சுற்றுலா தலங்களுக்கு செல்வதால் சென்னை தாம்பரத்தில் கடும் போக்குவரத்து நெரிசல்.

தொடர் விடுமுறையை ஒட்டி பயணிகளின் கூட்ட நெரிசலை தவிர்க்க ஜன.18 ஆம் தேதி சென்னை – மதுரை இடையே சிறப்பு ரயில் இயக்கப்பட உள்ளது. 

அலங்காநல்லூர் ஜல்லிக்கட்டில் துணை முதலமைச்சர் உதயநிதி ஸ்டாலின் முகம் பதித்த 1 சவரன் தங்க மோதிரம் பரிசாக வழங்கப்படுகிறது. 

மகிழ் திருமேனி இயக்கத்தில் அஜித்குமார் நடிப்பில் உருவாகியுள்ள ‘விடாமுயற்சி’ திரைப்படத்தின் ட்ரெய்லர் இன்று மாலை 6.40 மணிக்கு சன் டிவியின் யூடியூப் பக்கத்தில் வெளியாகும் என படக்குழு அறிவித்துள்ளது. 

அலங்காநல்லூர் ஜல்லிக்கட்டு போட்டியில் முன்னாள் அமைச்சர்  விஜயபாஸ்கர் காளை வெற்றி பெற்றது. 

தமிழ்நாட்டில் உள்ள அனைத்து அரசு பள்ளிகளிலும்  ஆண்டு விழா நடத்த பள்ளிக்கல்வி இயக்குநர் உத்தரவிட்டுள்ளார்.  

அரசு பள்ளிகளில் ஆண்டு விழா நடத்த அரசு சார்பில் 14.6 கோடி ஒதுக்கீடு செய்து அரசாணை வெளியிட்ட நிலையில் உத்தரவிடப்பட்டுள்ளது. 

தென்னரசு கொலை வழக்கில் தொடர்புடைய பன்னீர்செல்வம் என்பவரை எரித்துக் கொன்றதாக, போலீசாரிடம் ரவுடி பாம் சரவணன் பரபரப்பு வாக்குமூலம் அளித்தார். 

2018ஆம் ஆண்டு முதல் பன்னீர்செல்வம் காணாமல் போனதாக கூறப்பட்ட வழக்கில் திடீர் திருப்பம் ஏற்பட்டுள்ளது. 

தனது நண்பரான வழக்கறிஞர் ராஜேஷ் உடன் சேர்ந்து பன்னீர்செல்வத்தை எரித்து கொலை செய்ததாக பாம் சரவணன் வாக்குமூலம் அளித்தார். 

எரித்துக் கொன்றதாக கூறப்படும் பன்னீர்செல்வம் மீது 10க்கும் மேற்பட்ட வழக்குகள் உள்ளன. கோயம்பேடு பேருந்து நிலைய போலீசார் பாம் சரவணனை காவலில் எடுத்து விசாரிக்க திட்டம், பன்னீர்செல்வம் காணாமல் போன வழக்கில் ஏழு ஆண்டுகளுக்கு பிறகு திடீர் திருப்பம் ஏற்பட்டுள்ளது. 

விண்ணில் செயற்கைக்கோள்களை இணைக்கும் பணியை வெற்றிகரமாக நிரூபித்த இஸ்ரோ விஞ்ஞானிகளுக்கு பிரதமர் மோடி வாழ்த்து தெரிவித்துள்ளார். 

வரும் ஆண்டுகளில் இந்தியாவின் லட்சிய விண்வெளிப் பயணங்களுக்கு 
இது ஒரு குறிப்பிடத்தக்க படியாகும் என்றும் கூறியுள்ளார்.   

அலங்காநல்லூர் ஜல்லிக்கட்டு இரண்டாம் சுற்று நிறைவடைந்த நிலையில் 4 பேர் தகுதி பெற்றுள்ளனர்.

நாட்டுப்புறத்தான் தன் காட்டுக்குச் செல்வதால் தான் நம் வீட்டுக்குள் பசி இல்லை என்பதை உணர்வதும் உழவர்களுக்கு ஒன்றென்றால் அவர்களுக்கு உடன் நிற்பதும் தான் நம் நன்றியைக் காட்டும் வழிகள். எனவே உழவரைப் போற்றுவதும் தாயைப் போற்றுவதும் வேறில்ல. மக்கள் நீதி மய்யம் தலைவர் கமல்ஹாசன் உழவர் திருநாள் வாழ்த்துக்கள் தெரிவித்துள்ளார்.

பிரதமர் மோடி தலைமையில் மத்திய அமைச்சரவை கூட்டம் இன்று காலை 11 மணிக்கு டெல்லியில் நடைபெறுகிறது. அமைச்சரவை முடிவுகள் குறித்த அறிவிப்பு மாலை 3 மணிக்கு வெளியாகும் என தகவல் வெளியாகி உள்ளது.

அலங்காநல்லூர் ஜல்லிக்கட்டில் இலங்கை அமைச்சர் செந்தில் தொண்டமானின் 2 காளைகள் அசத்தல் வெற்றி பெற்றது.

ராசிபுரத்தில் முன்னாள் நாடாளுமன்ற உறுப்பினர் பி.ஆர்.சுந்தரம் உடல் நலக்குறைவால் காலமானார்.

அலங்காநல்லூர் ஜல்லிக்கட்டில் பங்கேற்ற முன்னாள் அமைச்சர் விஜயபாஸ்கரின் காளை தங்க மோதிரம் பரிசாக வென்றது.

உலக புகழ்பெற்ற அலங்காநல்லூர் ஜல்லிக்கட்டின் முதல் சுற்று நிறைவு பெற்றது.

அதானி குழுமம் மீது தொடர் குற்றச்சாட்டுகளை முன்வைத்து வந்த அமெரிக்க முதலீட்டு ராய்ச்சி நிறுவனமான ஹிண்டன்பெர்க் ரிசர்ச் நிறுவனம் நிரந்தரமாக மூடுவதாக அதன் நிறுவனர் ஆண்டர்சன் அறிவித்துள்ளார். 

அலங்காநல்லூர் ஜல்லிக்கட்டில் களம் இறக்கப்பட்ட நடிகர் சூரியின் ராஜாக்கூர் கருப்பன் காளை வெற்றி பெற்றது.

மும்பையில் பாலிவுட் நடிகர் சயிஃப் அலிகான் மீது வீடு புகுந்து கத்திக்குத்து நடத்தப்பட்டது. மர்ம நபர் கத்தியால் குத்டியதில் காயமடைந்த சயிஃப் அலிகான் மும்பை லீலாவதி மருத்துவமனையில் அனுமதிக்கப்பட்டுள்ளார்.

இஸ்ரேல்-ஹமாஸ் போர் நிறுத்தம் அறிவிக்கப்பட்டிருந்ததையடுத்து காஸாவில் பாலஸ்தீனிய மக்கள் தஙக்ள் மகிழ்ச்சியை வெளிப்படுத்தி வருகின்றனர். 

விண்வெளியில் 2 விண்கலன்களை இணைக்கும் வகையில், இஸ்ரோ செயல்படுத்தி வந்த ‘ஸ்பேடெக்ஸ்’ திட்டம் வெற்றி பெற்றதாக தகவல் வெளியாகி உள்ளது. விண்ணில் 2 செயற்கைக் கோள்களை டாக்கிங் முறையில் இணைக்கும் முயற்சியில் இஸ்ரோ வெற்றி – இஸ்ரோ விஞ்ஞானிகள் வட்டாரத்தில் தகவல் தெரிவிக்கப்பட்டுள்ளது. 2 விண்கலன்களை இணைக்கும் ஒருங்கிணைப்பு தொழில் நுட்பத்தை அறிந்த 4வது நாடு என்கிற பெருமையை பெறுகிறது, இந்தியா ஸ்பேடெக்ஸ் ஏ, ஸ்பேடெக்ஸ் பி ஆகிய 2 விண்கலன்களும் பிஎஸ்எல்வி சி-60 ராக்கெட் மூலமாக கடந்த டிச.30-ஆம் தேதி ஏவப்பட்டு விண்ணில் நிலைநிறுத்தப்பட்டன. ஜன.7ஆம் தேதி முதல்முறையாக டாக்கிங் செயல்முறை நடைபெறும் என இஸ்ரோ அறிவித்திருந்தது. பின் ஜன.9ஆம் தேதிக்கு மாற்றப்பட்டது ஜன.9ஆம் தேதியும் சிறிய தொழில்நுட்ப காரணங்களால் கடைசி நிமிடத்தில் டாக்கிங் சோதனை முயற்சி கைவிடப்பட்டு, தரவுகள் ஆராயப்பட்டு வந்தன ஸ்பேடெக்ஸ் திட்டத்தின் டாக்கிங் செயல்முறையை 4வது முறையாக இன்று தொடங்கிய இஸ்ரோ அதில் வெற்றி கண்டு வரலாறு படைத்துள்ளதாக தகவல்.

காணும் பொங்கல் பண்டிகையை முன்னிட்டு ஜனவரி 16 ஆம் தேதி முதல் கூடுதலாக 500 சிறப்பு பேருந்துகள் இயக்கப்படும் என்று சென்னை மாநகர போக்குவரத்துக் கழகம் அறிவித்துள்ளது. இந்த பேருந்துகள் வழக்கமான பேருந்துகளுடன் கூடுதலாக மாமல்லபுரம், கோவளம், எம்.ஜி.எம், வண்டலூர் உயிரியல் பூங்கா, கிண்டி குழந்தைகள் விளையாட்டு பூங்கா மற்றும் மெரினா கடற்கரை போன்ற பல்வேறு வழித்தடங்களில் இயக்கப்படும்.
 

இன்று காணும் பொங்கல் என்பதால் மின்சார ரயில்களில் போலீசார் தீவிர பாதுகாப்பில் ஈடுபட்டுள்ளனர்.  செங்கல்பட்டு – கடற்கரை, அரக்கோணம் – சென்ட்ரல், கும்மிடிப்பூண்டி – சென்ட்ரல் மின்சார ரயில் வழித்தடங்களில் ரயில்வே போலீசார் தீவிர கண்காணிப்பில் ஈடுபட்டுள்ளனர். சென்னையில் உள்ள சுற்றுலாத்தலங்கள், பொழுதுபோக்கிடங்களுக்கு பொதுமக்கள் அதிக எண்ணிக்கையில் வருவார்கள் என்பதால் முன்னெச்சரிக்கை நடவடிக்கை தீவிரம்.

உலகப் புகழ்பெற்ற அலங்காநல்லூர் ஜல்லிக்கட்டு சற்று நேரத்தில் தொடங்க உள்ள நிலையில் துணை முதலமைச்சர் உதயநிதி ஸ்டாலின் கொடியசைத்து தொடங்கி வைக்கிறார்.

காணும் பொங்கலையொட்டி சென்னையில் போலீசார் பாதுகாப்பு. காணும் பொங்கலையொட்டி, சென்னையில் 17 ஆயிரத்து 500 போலீசார் பாதுகாப்பு பணியில் ஈடுபட்டுள்ளனர். மெரினா கடற்கரையில் கண்காணிப்பு கோபுரங்கள் அமைத்து கண்காணிக்கவும் ஏற்பாடு செய்யப்பட்டுள்ளது.

அலங்காநல்லூர் ஜல்லிக்கட்டு போட்டியில்  3 வீரர்கள் தகுதி நீக்கம். அலங்காநல்லூர் ஜல்லிக்கட்டு வீரர்களுக்கான மருத்துவ பரிசோதனையில் எடை குறைவு காரணமாக 3 வீரர்கள் வெளியேற்றப்பட்டன.

அலங்காநல்லூர் ஜல்லிக்கட்டுக்கு அழைத்து வரப்பட்ட சூரியோட செல்லமா பழகுற மாடு. அழைத்து வந்த  சதீஸ் பேட்டி அளித்துள்ளார். 

அலங்காநல்லூர் ஜல்லிக்கட்டு போட்டியில் வெற்றி பெறுபவர்களுக்கு கார், டிராக்டர், இருசக்கர வாகனம், ஆட்டோ, சைக்கிள், தங்கக்காசு உள்ளிட்டவை பரிசாக வழங்கப்படவுள்ளது.