ગુજરાતમાં કેટલાક વિસ્તારોમાં માવઠું, હવે કયા જિલ્લામાં વરસાદની શક્યતા?

ગુજરાતના હવામાનમાં ફરી પલટો આવ્યો છે અને તેના કારણે રાજ્યમાં કેટલીક જગ્યાએ માવઠું થયું છે.

ગુજરાત હવામાન વિભાગની આગાહી મુજબ, હજુ પણ કેટલાક વિસ્તારોમાં હવામાન પલટાઈ શકે છે. કેટલાક જિલ્લાઓમાં છૂટોછવાયો હળવો વરસાદ પડવાની શક્યતા છે.

વાવાઝોડું ‘અર્નબ’ આંધ્ર પ્રદેશ પરથી પસાર થયું હતું તે ત્યાંથી વળાંક લઈને ઉપરના ભાગે ઉત્તર તરફ જતું રહ્યું છે, તે હવે વાવાઝોડું ડિપ્રેશનમાં ફેરવાઈ ગયું છે અને આખી સિસ્ટમ નબળી પડી ગઈ છે.

ગુજરાતમાં હાલના સમયમાં રવી પાકની સિઝન ચાલતી હોવાથી હવામાનમાં ફેરફાર થતા ખેડૂતો પણ ચિંતા મુકાયા છે. ખાસ કરીને મગફળી લેવાની કામગીરી ચાલતી હોવાથી નુકસાન થવાની ભીતિ છે.

ખેડૂતોએ મગફળી માર્કેટયાર્ડમાં વેચવા માટે રાખી હતી અને માવઠું થતા મગફળી પલળી જતા મોટું નુકસાન થાય તેવી ભીતિ છે.