అల్ట్రా ప్రాసెస్డ్‌ ఫుడ్‌: ఇది అతిగా తింటే ఏమవుతుందో తెలుసా?

అల్ట్రా- ప్రాసెస్డ్ ఫుడ్‌ ఎక్కువగా తినేవారు త్వరగా చనిపోయే ప్రమాదం ఉందని అమెరికా, యూకే సహా పలు దేశాలలో జరిపిన ఒక అధ్యయనం చెబుతోంది.

ప్రాసెస్ చేసిన మాంసాలు, బిస్కెట్లు, శీతల పానీయాలు, ఐస్ క్రీమ్, కొన్ని అల్పాహార తృణధాన్యాలు వంటివి అల్ట్రా- ప్రాసెస్డ్ ఫుడ్‌(యూపీఎఫ్)కు ఉదాహరణలు. ప్రపంచవ్యాప్తంగా ఈ రకమైన ఆహారాలను ప్రజలు ఎక్కువగా తింటున్నారు.

యూపీఎఫ్‌లలో సాధారణంగా ఇంటి వంటలలో కనిపించని స్వీటెనర్స్, ఆహారం అందంగా కనిపించడానికి వాడే రసాయనాలు వంటి ఐదుకు పైగా పదార్థాలుంటాయి.

అయితే, యూపీఎఫ్‌లు ఆరోగ్యానికి ఎందుకు మంచివి కావనేది కొంతమంది నిపుణులు ఖచ్చితంగా చెప్పలేకపోతున్నారు. ఈ ఆహారాలలో కొవ్వు, ఉప్పు, చక్కెర ఎక్కువగా ఉండటం వల్ల కావొచ్చంటూ కొన్ని ఆధారాలు చూపిస్తున్నారు.

(బీబీసీ కోసం కలెక్టివ్ న్యూస్‌రూమ్ ప్రచురణ)