ગુજરાતમાંથી ચોમાસાએ લીધી વિદાય, શું હવે વરસાદની શક્યતા ખરી?

અપડેટેડ 30 મિનિટ પહેલા

છેલ્લા એક દિવસથી ગુજરાતનું તાપમાન સામાન્ય કરતાં થોડું વધારે રહ્યું હતું, પરંતુ ગુજરાતમાંથી ચોમાસાની વિદાય થઈ રહી છે તેવામાં એક સિસ્ટમ ઉત્તર પશ્ચિમ ભારતમાં રચાઇ રહી છે.

આ સિસ્ટમને લઈને એવું અનુમાન છે કે, તે ઑક્ટોબરના મધ્ય ભાગ સુધીમાં ઉત્તર પશ્ચિમ ભારતમાં નોંધપાત્ર અસર કરી શકે છે.

જોકે, નવરાત્રિ પહેલાં ગુજરાતમાં આ સિસ્ટમને કારણે કે અન્ય કોઈ સંજોગોમાં વરસાદ પડે તેવી શક્યતાઓ નથી પરંતુ ગુજરાતમાં હળવો કે છૂટછવાયો વરસાદ ક્યાંક પડી શકે છે.

આ સિવાય ગુજરાતમાં હવામાન વિભાગે આગાહી કરી છે કે આગામી દિવસોમાં કેટલાક વિસ્તારોમાં હવામાન સૂકું રહેવાની શક્યતા છે.

પરંતુ કેટલાંક મૉડલ દર્શાવી રહ્યાં છે કે વેસ્ટર્ન ડિસ્ટર્બન્સને કારણે 10થી 11 તારીખે વરસાદ આવી શકે છે.

જોકે, છેલ્લા 24 કલાક દરમિયાન ગુજરાત અને સૌરાષ્ટ્ર-કચ્છમાં હવામાન સૂકું રહ્યું હતું.

સૌરાષ્ટ્ર-કચ્છના કેટલાક ભાગોમાં મહત્તમ તાપમાનમાં નોંધપાત્ર વધારો થયો હતો પ્રદેશના બાકીના ભાગોમાં કોઈ મોટો ફેરફાર થયો નથી.