Source :- BBC INDIA NEWS
फोटो स्रोत, Getty Images
Published
वाचन वेळ: 2 मिनिटे
जपानमध्ये सुरू असलेल्या एशियन गेम्स स्पर्धेत क्रिकेटमधील सुवर्णपदकासाठी भारत-पाकिस्तान यांच्यात सामना होत आहे. भारतानं नाणेफेक जिंकत प्रथम फलंदाजी निवडली.
त्यात भारतीय फलंदाजांनी आक्रमक फलंदाजी करत पाकिस्तानच्या गोलंदाजांवर दबाव निर्माण केला. सलामीवीर अभिषेक शर्माने [28] चेंडूत [61] धावांची खेळी करत अर्धशतक झळकावलं. त्याने 03 चौकार आणि 07 षटकारांची आतषबाजी केली.
अभिषेकच्या फटकेबाजीच्या जोरावर भारतानं 10 ओव्हरमध्ये 114 धावा केल्या होत्या, पण दुसरीकडे भारतानं लवकर विकेट गमावल्याचंही पाहायला मिळालं.
भारतानं सेमिफायनल सामन्यात श्रीलंकेचा 124 धावांनी पराभव करत फायनलमध्ये प्रवेश केला होता. तर पाकिस्ताननं बांगलादेशला पराभूत करत फायनल गाठली होती.
भारताची इनिंग
भारतानं डावाची सुरुवात करताना पहिल्या ओव्हरमध्ये संयम दाखवला. अभिषेक आणि वैभव सूर्यवंशी दोघांनीही पहिल्या ओव्हरमध्ये शांत राहण्याचा पवित्रा घेतला.
पण पुढच्याच ओव्हरमध्ये वैभवनं पुढाकार घेत फटकेबाजी करायला सुरुवात केली. त्यानं दोन षटकार खेचले आणि पाठोपाठ अभिषेकनेही फटकेबाजी करत दुसऱ्या ओव्हरमध्ये 24 धावा लुटल्या.
त्यानंतर पुढच्या ओव्हरमध्येही 15 धावा घेतल्या पण वैभव या ओव्हरमध्ये रिव्हर्स स्वीप करताना चुकला आणि सायम अयूबच्या गोलंदाजीवर झेलबाद झाला.
त्यानंतर मात्र अभिषेकनं एकच फटकेबाजी सुरू ठेवली. पाकिस्तानच्या सर्वच गोलंदाजांची त्यानं धुलाई केली. पण दुसऱ्या बाजूला संजू सॅमसनही स्वस्तात बाद झाला. पण विकेटचा अभिषेकला फरक पडत नसल्याचं दिसलं.
फोटो स्रोत, Getty Images
त्यानं फटकेबाजी करत 20 चेंडूमध्ये अर्धशतक पूर्ण केलं. अहमद दनियालच्या एका चेंडूवर मात्र तो बाद झाला. त्यानं 28 चेंडूमध्ये 61 धावा केल्या.
त्यानंतर श्रेयस अय्यर आणि इशान किशन यांनी भारताचा डाव सावरला. पण इशान किशन 18 चेंडूंमध्ये 20 धावा करून बाद झाला. मिन्हासनं त्याचा त्रिफळा उडवला. तर अबरारनं कर्णधार श्रेयस अय्यरला बाद केलं.
पाकिस्तानच्या मिन्हासनं दोन तर अयूब, अबरार, आणि दनियाल यांनी प्रत्येकी एक विकेट घेतली.
असे आहेत संघ
भारत : वैभव सूर्यवंशी, अभिषेक शर्मा, संजू सॅमसन (विकेटकीपर), श्रेयस अय्यर (कर्णधार), ईशान किशन, तिलक वर्मा, शिवम दुबे, अक्षर पटेल, वॉशिंग्टन सुंदर, रवी बिश्नोई आणि जसप्रित बुमराह
पाकिस्तान : साहीबजादा फरहान (कर्णधार), माज सदाकत, उस्मान ख़ान (विकेटकीपर), सायम अयूब, हसन नवाज, अब्दुल समद, अराफात मिन्हास, अहमद दानियाल, मोहम्मद वसीम, सुफयान मुकिम आणि अबरार अहमद.
(बीबीसीसाठी कलेक्टिव्ह न्यूजरूमचे प्रकाशन.)
SOURCE : BBC
