Monsoon 2026 : ચોમાસું આગળ વધીને ગુજરાત કયારે પહોંચશે? શું છે વરસાદની આગાહી?

અપડેટેડ એક કલાક પહેલા

ગુજરાતમાં બપોરે ગરમીના કારણે દિવસ દરમિયાન બફારો તેમજ રાતના સમયે સામાન્ય પવન સાથે ઠંડકનો અનુભવ થઈ રહયો છે. ત્યારે ચોમાસાની આતુરતાથી રાહ જોઈ રહેલા લોકો માટે સવાલ છે કે હવે ચોમાસું કેટલા દિવસ ખેંચાશે?

છેલ્લા 24 કલાકોથી દક્ષિણ ગુજરાતનાં કેટલાંક છૂટાંછવાયાં સ્થળોએ વરસાદ પડી રહ્યો છે જો કે તેનાથી રાજ્યના મહત્તમ તાપમાનમાં કોઈ મોટો ફેરફાર થયો ન હતો.

ભારતમાં 4 જૂનથી શરૂ થયેલું ચોમાસું 8 જૂને જે સ્થળે પહોંચ્યું હતું હાલ પણ તે જ વિસ્તારમાં અટકી ગયું છે.

ત્યારે આવનારા ચાર પાંચ દિવસોને લઈને પણ હવામાન વિભાગે જાહેરાત કરી છે કે મહારાષ્ટ્રના કેટલાક જિલ્લાઓમાં ચોમાસું આગળ વધી શકે છે.

ઉલ્લેખનીય છે કે ગુજરાતમાં હજુ પણ પ્રીમોન્સૂન વરસાદની યોગ્ય શરૂઆત થઈ નથી અને ગુજરાતમાં ચોમાસાની ઍન્ટ્રી પાછી ઠેલાઈ રહી છે.

બીજી તરફ, જ હવામાન વિભાગે આગમી દિવસોમાં દક્ષિણ ગુજરાત સહિત સૌરાષ્ટ્રના કેટલાક જિલ્લાઓમાં વરસાદની આગાહી કરી છે.

આ વચ્ચે 18 જૂનથી હવામાન વિભાગે ભારતમાં એક નવા વેસ્ટર્ન ડિસ્ટર્બન્સની પણ આગાહી કરી છે.

છેલ્લા 24 કલાકોથી દક્ષિણ ગુજરાતનાં કેટલાંક છૂટાંછવાયાં સ્થળોએ વરસાદ પડી રહ્યો છે જો કે તેનાથી રાજ્યના મહત્તમ તાપમાનમાં કોઈ મોટો ફેરફાર થયો ન હતો. ગુજરાતમાં કયારે બેસશે ચોમાસું? કયા વિસ્તારોમાં થશે વરસાદ? એ જુઓ આજના વેધર વીડિયોમાં.

વીડિયો : દીપક ચુડાસમા

ઍડિટ : અવઝ જાની

બીબીસી માટે કલેક્ટિવ ન્યૂઝરૂમનું પ્રકાશન