હવામાન સમાચાર : ગુજરાતમાં વરસાદનો નવો રાઉન્ડ ક્યારે આવશે?

ગુજરાતમાં હાલ મોટા ભાગના વિસ્તારોમાં વરસાદ અટકેલો છે અને ખેડૂતો વરસાદની રાહ જોઈ રહ્યા છે. બંગાળની ખાડીમાં સર્જાયેલી સિસ્ટમ મધ્ય અને ઉત્તર ભારત તરફ આગળ વધશે, જેની સીધી અસર ગુજરાત પર નહીંવત રહેવાની શક્યતા છે. આગામી ચાર-પાંચ દિવસ સુધી રાજ્યમાં છૂટોછવાયો હળવાથી મધ્યમ વરસાદ પડશે. જ્યારે દક્ષિણ ગુજરાતના વિસ્તારોમાં 1 થી 2 ઇંચ સુધીનો વરસાદ પડી શકે છે.