ട്രംപ് ‘സാമ്പത്തിക യുദ്ധം’ തുടര്‍ന്നാല്‍ എണ്ണ കയറ്റുമതി പൂര്‍ണമായി നിര്‍ത്തിവെക്കും: ഇറാന്‍

Source :- SIRAJLIVE NEWS

തെഹ്‌റാന്‍/വാഷിങ്ടണ്‍ | ട്രംപിന്റെ ‘സാമ്പത്തിക യുദ്ധം’ തുടരുകയാണെങ്കില്‍ ഗള്‍ഫ് മേഖലയില്‍ നിന്നുള്ള എണ്ണ കയറ്റുമതി പൂര്‍ണമായും നിര്‍ത്തിവെക്കുമെന്ന് ഇറാന്‍. യു എസ് ഉപരോധങ്ങള്‍ക്ക് ഏതെങ്കിലും രാജ്യം നല്‍കുന്ന പിന്തുണയെ യുദ്ധ നടപടിയായി കണക്കാക്കുമെന്നും ഇറാന്‍ സുരക്ഷാ മേധാവി മൊഹ്സെന്‍ റെസായി മുന്നറിയിപ്പ് നല്‍കി. ഹോര്‍മുസ് കടലിടുക്ക് വഴി സഞ്ചരിക്കുമ്പോള്‍ തങ്ങളുടെ ചട്ടങ്ങള്‍ ലംഘിക്കുന്ന കപ്പലുകള്‍ക്ക് പിഴ, തടഞ്ഞുവെക്കല്‍, കണ്ടുകെട്ടല്‍ തുടങ്ങിയ നടപടികള്‍ നേരിടേണ്ടി വരുമെന്ന് ഇറാന്‍ നേരത്തെ മുന്നറിയിപ്പ് നല്‍കിയിരുന്നു.

അതേസമയം, ഇറാനെ നിലനിര്‍ത്തുന്ന എല്ലാ സാമ്പത്തിക സ്രോതസ്സുകളും വിച്ഛേദിക്കുന്നതിനായി പുതിയ ഉപരോധങ്ങള്‍ ഏര്‍പ്പെടുത്തുമെന്ന് യു എസ് ട്രഷറി സെക്രട്ടറി സ്‌കോട്ട് ബെസെന്റ് പ്രഖ്യാപിച്ചു. ഈ നടപടിയില്‍ എല്ലാ സഖ്യരാജ്യങ്ങളും പങ്കുചേരണമെന്ന് ട്രംപ് യു എസ് സഖ്യരാജ്യങ്ങളോട് ആവശ്യപ്പെടുന്നുണ്ടെന്നും അദ്ദേഹം പറഞ്ഞു.

ഹോര്‍മുസ് കടലിടുക്കുമായി ബന്ധപ്പെട്ട വിഷയങ്ങളില്‍ ഇറാനിയന്‍ ഉദ്യോഗസ്ഥരുമായി ചര്‍ച്ച നടത്തുന്നതിനായി ഒമാന്‍ വിദേശകാര്യ മന്ത്രി സയ്യിദ് ബദര്‍ അല്‍-ബുസൈദി ഇന്ന് തെഹ്റാന്‍ സന്ദര്‍ശിക്കുമെന്ന് ഇറാന്‍ വിദേശകാര്യ മന്ത്രാലയം അറിയിച്ചു.

Content Highlights:
Iran has warned of a total halt to its oil exports if US President Donald Trump continues his aggressive economic war. The official statement highlights rising geopolitical tension that could disrupt global energy supply lines. World markets remain on high alert over potential crude oil price surges.