Source :- SIRAJLIVE NEWS
പറവൂര്| നടന് സലിം കുമാറിന്റെ വിയോഗത്തില് അനുശോചനം അറിയിച്ച് പ്രധാനമന്ത്രി നരേന്ദ്രമോദി. വൈവിധ്യമാര്ന്ന വേഷങ്ങളിലൂടെയും അവിസ്മരണീയമായ പ്രകടനങ്ങളിലൂടെയും വ്യക്തിമുദ്ര പതിപ്പിച്ച നടനെന്ന് പ്രധാനമന്ത്രി എക്സില് കുറിച്ചു. അതേ സമയം മുഖ്യമന്ത്രി വി ഡി സതീശനും സലിം കുമാറിന്റെ വിയോഗത്തില് അനുശോചനം രേഖപ്പെടുത്തി. താനും സലിം കുമാറും തമ്മില് തീവ്രമായൊരു ആത്മബന്ധമുണ്ടായിരുന്നുവെന്ന് മുഖ്യമന്ത്രി പറഞ്ഞു.
തന്റെ നാടിന്റെ അഭിമാനമായിരുന്നു സലിം കുമാറെന്നും തനിക്കൊരു നിലപാടുണ്ടെന്ന് ഉറക്കെ പറഞ്ഞൊരാളാണ് സലിം കുമാറെന്നും വി ഡി സതീശന് പറഞ്ഞു. വ്യക്തിപരമായ നഷ്ടങ്ങളെ കുറിച്ച് അല്പ്പം പോലും ഓര്ക്കാതെ രാഷ്ട്രീയ നിലപാടിന്റെ ദൃഢത ആവര്ത്തിച്ച് പറയുന്ന ഒരാള്. ഞാന് കോണ്ഗ്രസുകാരനാണെന്ന് പറയാന് ആരെയും ഭയക്കാതിരുന്ന ധീരനായ കലാകാരനാണ് സലിം കുമാര് മുഖ്യമന്ത്രി പറഞ്ഞു
ജന്മനാടായ പറവൂരില് നിരവധിപേരാണ് സലിംകുമാറിന് ആദരാഞ്ജലി അര്പ്പിക്കാനെത്തിയത്. മുഖ്യമന്ത്രിയും മന്ത്രിമാരും ജനപ്രതിനിധികളും ഉള്പ്പെടെ ഭരണ-രാഷ്ട്രീയ മേഖലയിലുള്ളവര് ടൗണ്ഹാളിലെത്തി. വൃക്കസംബന്ധമായ അസുഖത്തെ തുടര്ന്ന് ഡയാലിസിസിന് വിധേയനായിരുന്ന സലിംകുമാര് കടുത്ത പനിയെ തുടര്ന്ന് കൊച്ചി അമൃത ആശുപത്രിയില് ചികിത്സയിലായിരുന്നു. ഇന്നലെ രാത്രി 10.43 ന് ഹൃദയാഘാതത്തെ തുടര്ന്നായിരുന്നു അന്ത്യം.
Content Highlights:
Prime Minister Narendra Modi and Chief Minister V D Satheesan condoled the death of actor Salim Kumar. The national award winning actor passed away at Amrita Hospital in Kochi due to a heart attack. He was undergoing treatment for kidney related ailments and fever before his demise.
