Source :- EVARTHA NEWS
(adsbygoogle = window.adsbygoogle || []).push({});
തിയറ്ററുകളിൽ മികച്ച വിജയം നേടിയ നിവിൻ പോളി ചിത്രം ‘ബെത്‌ലഹേം കുടുംബ യൂണിറ്റ്’ ഒടിടി സ്ട്രീമിങ്ങിനൊരുങ്ങുന്നു. ഗിരീഷ് എഡി സംവിധാനം ചെയ്ത് മമിത ബൈജു നായികയായ ചിത്രം ഒക്ടോബർ 2 മുതൽ ജിയോ ഹോട്ട്‌സ്റ്റാറിൽ സ്ട്രീമിങ് ആരംഭിക്കും.
ഓഗസ്റ്റ് 21നാണ് ചിത്രം തിയറ്ററുകളിൽ എത്തിയത്. മികച്ച പ്രേക്ഷക പ്രതികരണവും മൗത്ത് പബ്ലിസിറ്റിയും നേടിയ ചിത്രം ബോക്സ് ഓഫീസിലും നേട്ടം സ്വന്തമാക്കി. ട്രാക്കിങ് സൈറ്റുകളുടെ കണക്കുകൾ പ്രകാരം 41 ദിവസം കൊണ്ട് ചിത്രം ആഗോളതലത്തിൽ 330.13 കോടി രൂപയുടെ കളക്ഷൻ നേടിയിട്ടുണ്ട്.
ഭാവന സ്റ്റുഡിയോസിന്റെ ബാനറിൽ ഫഹദ് ഫാസിൽ, ദിലീഷ് പോത്തൻ, ശ്യാം പുഷ്കരൻ എന്നിവർ ചേർന്നാണ് ചിത്രം നിർമിച്ചത്. വിനയ് ഫോർട്ട്, ബിന്ദു പണിക്കർ, സംഗീത് പ്രതാപ് തുടങ്ങിയവരും ചിത്രത്തിൽ പ്രധാന വേഷങ്ങളിലെത്തി.
വിഷ്ണു വിജയ് സംഗീതം ഒരുക്കിയ ചിത്രത്തിന്റെ ഛായാഗ്രഹണം അജ്മൽ സാബുവാണ് നിർവഹിച്ചത്. തിയറ്ററുകളിൽ മികച്ച പ്രതികരണം നേടിയ ചിത്രത്തിന്റെ ഒടിടി റിലീസിനായി സിനിമാപ്രേമികളും കാത്തിരിക്കുകയാണ്.